今日係超市買野飲時，只開左一個counter收銀。正當排到剩兩個人就到我時，隔離既counter突然開埋，我未黎得切反應，已經飛快地被兩三個準備排隊既人順勢湧左上去──又上演左一幕遲黎先上岸。

呢個時候我心諗，點解成日都要無日無知咁經歷住呢種唔好受既感覺？其實諗深一層，呢種問題唔係好容易就可以避免既咩？點解仲會成日睇到d人因為自己個條龍前面既人買勁多野，眼白白睇住隔離條隊去得好暢順而自己卻良久原地踏步，不得不係臉上擠出既個副無奈既表情？點解去親快餐店或者超市，就要隨時準備成為一個不公平機制下既受害者？

一字咁淺0者，學銀行咁，個個都排個條龍，邊個counter有位就去邊度，咁就一定fair啦。除非某個counter既員工係特別低效率，咁就已經係唔可以控制既因素。但點解咁輕而易舉既安排，都冇人去實行呢？Really unbelievable!!