星期一晚電視播"光影流情", 我都係岩岩先download 睇返
一套30分鐘既節目, 分別介紹老豆阿媽、阿哥、同我既童年野
講荔園, 講啟德遊樂場..我緊係唔識啦
我有去過荔園, 但只係3,4,5歲既時代, 係見到隻大象, 不過唔知叫咩名!

講以前既翻版卡通漫畫我就知, 因為當年我小學個陣, 乜鬼卡通.."莎利變變變","魔鏡魔鏡"....個排hit 乜卡通, 書報攤就有一本薄"切切"既書仔, 我都唔記得幾多錢, 總之就係買左, 就會返去學校同埋d 八妹仔一齊share, 就好似中學時, 買左yes! 一樣, 大家係度睇
又會無聊到跟住人地個本書仔, 去試畫阿莎利出黎..

講公園入面既滑梯、"千秋", 我都玩過鬼那咁高咁斜既滑梯
個節目漏左樣野黎形容個d鐵滑梯.."辣屁股"
個細個下晏放學去玩, 個太陽都係頭頂喇, 仲去玩個d咁既滑梯, 一坐落去, PP都熱到彈返起.
節目又漏左除左由滑梯低行返上去滑梯頂既動作外, 仲有好多花式架..
有胸口貼滑梯, 面向地下咁樣滑落黎啦
有2,3,4,5個人痴住一齊滑啦
有跪係度滑啦
有痞係度滑啦
有打側啦...有面向天, 個頭頂向地下咁樣滑啦..

諗得出既, 我地都玩過! 不過e家個個遊樂場都又要安全又要唔危險
一d都唔好玩!
係滑梯隻腳一伸長就到底咯!
唔知沙田中央公園個長滑梯俾人搬走左未呢? 好好玩架喎

講開又講, 我前排係我樓下既公園仲見到一個史前"搖搖公仔凳"(我自己作), 即係個d ...好似馬仔, 你騎係馬鞍會向前向後un個d呢...
我樓下仲有喎, 都十幾年咯
唔知一陣落街, 佢仲係唔係度呢?

衣家d 小朋友, 真係好多好多玩具玩, 多我地以前好多 (其實我都唔係好老o者), d野好豐富...
不過點都唔及我地細個玩個陣既滋味