031117 (星期一) 寒好辛苦....今日係自沙官暈記後‧暈得最勁o既一次。病源:10-13/11......病徵: 咳咳咳...(冇理會)14/11 ...... 少咳 +打噴嚏........***************仍然處於不理會狀態中**********************15-16/11 辛苦期: 周身骨痛+ 勁乞次 + 沙聲自救中......但明顯冇用。。。因為屋企混亂中‧所以無人理會。。。16/11 返hall....晚上發燒 (出事喇.........)17/11 ~~~~~~~~今朝七點九起身，以為自己冇事所以如常出去刷牙，點呀一擦就出事。我一放支牙刷入口就已經意識我就會暈~ 所以第一時間死返入房‧‧‧個一刻真係辛苦到顛，都好耐有試過咁暈法喇!!係hall病真係好可憐 =_=幸好有阿春o既愛心白粥食，同埋阿凱話「飲o左會好返o既利賓納仔仔」‧‧‧唔係真係幾慘~下畫同房同我去睇醫生，醫生又發揮佢o既快速睇症方法.....因為上一次入去唔夠一分鐘就出返o黎，所以今次我就係入面不斷咁問醫生o野「醫生...我暈喎...會唔會有事o架!」「有時感冒都會導致耳水不平衡，所以會暈。」「哦!」「醫生...我個牙較好痛呀...點解會咁o既?「你有少少發炎嘛」「係呀...」......................但最終都係好快出返o黎! 我o地仲幫下一個同學仔計過時, 真係一分鐘就出返o黎喇~~~~~ 故事教訓: 有病好立刻去睇醫生