030730 (星期三) 熱

之前相約O左PANGAEA睇NEMO，但係琴晚通電PANGAEA又話想唱歌仔多D! 哦~~~~(今日先知)~~~~~~原來佢同佢大姐姐已經睇O左: 過份! 唉~ 正式放棄唔再搵人睇喇!

出去旺角搭KCR時遇見阿瑩返工，我呃佢話我都係返工‧佢就真係以為我返工~ 傻瓜!
唔得唔得~ 我呢個八月一定要玩返夠本!

見到彭小如後再步行過去…… 一邊行一邊掛住傾傾傾…… 我O地又行錯路又要兜一兜先到達~~ HEHE!係創興綠色盒子唱O左個午餐時段，越來越覺得綠色盒子D設備唔係好得喎!好搞笑O地個「壤雞翼沙律」只不過係壤左D菜入去，勁慳皮! 不過又幾好食~~~

唱完之後就行下街街啦因為我想買短褲‧同埋有一個秘密任務要進行~~~~~!秘密任務好快就完成，之後就係新天地開始睇我O既短褲。一路行慢慢睇… 我感覺到PANGAEA就O黎想打爆我 ^_^” 皆因我極之奄尖… 呢樣又唔好……咁又唔鐘意。 咁唔鐘意就唔鐘意O架啦，即使係好便宜 =_=” 最終都係比我買o左o架^^

行行下我o地又玩拍貼貼照，很搞笑的~~~ 因為有3個鏡頭但係又唔知幾時係邊個鏡頭影喎!所以就要好留心睇下邊個鏡頭係度閃閃閃‧‧‧就係因為掛住望鏡頭又唔記得換背景~哈哈!拍出來的效果: 靚。但係最後因為技術上o既問題冇o左d背景~

再行再行又係條街度見到鄺學臻，佢亦都係好明顯地唔認得我同PANGAEA，不過佢個樣就一D都冇變。見佢一路行心不在焉咁，所以都冇叫佢喇!~再行再行睇O左DC ，好快PANGAEA就要返HALL開會喇!

返到屋企試一試條褲先發覺我高估O左我條腰~