030703 (星期四) 熱熱熱

嘩! 一諗起明天放榜真係有d緊張呀!

朝早九點幾起沖涼洗頭，因為唔沖就冇機會喇! 哈哈~ 沖完涼仲諗住login入jupas睇下自己幾時改choice… 咬… 真係樣衰到爆! Jupas 個system 竟然話要close一陣‧仲要十二點先開返! 十二點我都要開工喇… 所以就打比pangaea比個重要o既任務佢… 呵呵! 好明顯我係嘈醒o左佢o架~ he!

十二點返到公司‧噢!原來我返錯時間喎! 原來改o左時間又冇人通知我喎~ 搞到我返遲o左一個鐘(其實仲好~放六點真係有排蕩)。不過都冇乜大礙o既~ 但係就點都會比人話返兩三句口咁啦~ 呢排真係發覺自己有d思覺失調呀! 聽過d野成日都唔記得咁o既! 究竟係真係有講過比我知o丫定係我自己唔記得呢~~~~~~~~~?? 定係我忙得滯好快咁應o左呢?

之前經過一輪商討最後決定七點放工後唔返屋企繼續玩住等放榜o既! 七點半出到沙田join埋炭炭同pangaea‧其實我已經餓到火農o左喇! 但係就要等到八點九先有得食。因此，我們等炭炭訂完蛋糕再前往旅行街‧都係陪pangaea拎d資料。係星晨度鬼死咁多人，拎一拎o野都要排勁耐… 噢o野! 我o地又係度見到嘉敏&芬萍喇!

之後我o地就去o左打邊爐喇! 我發覺自己真係幾大食~ 可以食足全場! 由開始食食到燮燮o黎繼續陪佢食~he! 不過我就覺得唔係好抵食喇~ 食肥牛要加錢! 野飲又唔包~~~~~~~~~~~~~~~~~~~~~~過份!! 唉呀~ 其實返完工都真係幾支力… 食到十二點幾之後就搭火車出旺角唱K……

唉! 好明顯過去o既一年裡面我真係好比心機讀書‧d歌仔都唔係好識得唱! 下次等我再update下自己先去唱! 成晚都唔知做乜鬼勁飲o野! 飲food punch‧飲啤酒… 好明顯我係一d都唔眼目訓o架! 最屎都係燮燮‧五點都已經雙眼紅到爆! 五點半就比人cut左喇~ 仲以為可以唱到六點添! 所以就去o左附近o既麥麥坐o左一陣睇下報紙咁! 明顯o地隔離木台有d敵人係度‧好心佢o地呢個時候就唔好講返考試d野啦!

坐o左一陣就搭mtr前往九龍灣了! 中間都發生o左一段小插曲‧不過我o地有o既係時間!