030530 (星期五) 大熱

第一次返早呀! 返11-5 ~~ 因為SINCERE開十一點，所以要係後門入。第一次行好明顯唔識路 U_______U 行樓梯O個陣行行下竟然行O左上三樓~ O個D咁O既後門層層都一樣又鬼死咁多棟門喎~ 哈哈@@ 一早換完衫打完咭就見到anki ‧同佢嗲o左一陣‧原來佢都同我一樣盪失路~~keke

今日係happy Friday o既關係所以好多人‧其實多人d係好d o既! 入倉搵貨搵唔到就同個客講: 「唔好意思呀! 冇哂新喇~ 一係你check一check呢個有冇問題o丫」大家千祈唔好買display o野呀! 尤其係雨傘….比勁多人開過哂!

我發覺d客人一見到著住職員衫o既就乜都會問你‧但係你又唔可以同佢講「唔知」喎……咁唯有死撐! 尤其係問路呀! 做o左幾日我除o左知一樓係鞋部同對面係男裝‧隔離係手袋之外……我都唔知喇!

D人又好鐘意問:「童裝係邊呀?」
呢d咁o既問題………
我通常都係答:「mum….行前少少就見到o架喇!」勁老點!

最離譜o既係一次break完係canteen出返o黎就有個師奶仔問我: 「抽濕機係邊?」

好明顯我都係求期指埋電器o個邊~ 眼見得d空氣清新機我就話: 「埋邊有o架喇! 」大家下次係百貨公司問路應該問d sales assistant，見到d part-time呀‧temp呀都唔好問喇 ^_^”

今日o個賤人阿真係我阿head 面前叫我做d佢未教過我o既o野~ 賤得佢呀! 咁我o米好大聲咁講: 「你冇教過我喎!」我見到佢有d唔好意思咁對住阿head笑一笑‧佢個心一早已經係度奸笑梗喇! 但係佢又話: 「傻豬，等我一陣教你(想嘔)。」 完全係假人假義‧係supervisor面前就好聲好氣咁教你‧見到佢前面憎到佢後面。

放工就出TW補習~ 好開心呀! 因為有糧出 ^_^”