030514 (星期三) 熱熱

哎呀!低b精(我)‧‧‧
我又成功o地將西九龍&九龍城掉轉喇!
結果係白行一趟‧好彩未過死線o者~~
咁唯有行o下街街啦^_^"

雖然我都成年冇o黎過西九龍呢頭
但係呢度都冇乜點變~
舊年因為工作關係‧‧
係西九龍中心擺檔做o左四日
direct sales
仲第一次感受到由朝企到晚o個種痛苦
亦都明白到d人成日話企得多會
「靜脈曲張」o既感覺!

好明顯西九龍中心都係一個冇o野行o既地方‧悶悶悶...所以行o左一陣就走lu

夜晚食飯‧‧‧
阿姨又問我做唔做tele-marketer
我真係唔想做d 咁苦悶o既工作
成日對住個contact lsit 打打打...
call 唔到客又好似好冇用咁!
雖然係坐寫字樓‧有冷氣嘆
但係將心比己‧
如果我自己收到呢d 咁o既call
我都會覺得不耐煩繼而拒絕!!

十分之討厭做sale屎‧‧‧
(可能係極具競爭性)

十分討厭從事銷售業!!
可能我覺得d人買o野就會自己o黎買!
所以我覺得自己係唔適合做呢行!

十分討厭當我睇梗o野o既時候有人係
我身邊不斷咁sale 我買呢樣買o個樣‧
又同我睇梗o既o野不斷比較
目的都係說我買佢手上o個d好d!

‧討厭‧