030511(日)　ＭＯＴＨＥＲ'Ｓ　ＤＡＹ

無論如何，始終都係媽媽好。^_^。
願天下媽媽身體健康‧開心快樂！

年年Ｏ既母親節都冇乜特別大事興祝
都係同婆婆‧阿姨‧小表弟‧小表妹
一齊食飯咁啦！
不過自從老哥出Ｏ左Ｏ黎做Ｏ野之後
比錢Ｏ既角色由之前唔知邊個比
到而家由佢比！
鳴！我都覺得佢都有Ｄ慘呀！
咁多人食飯‧都幾鬼肉赤
不過我諗媽媽都會
ＳＰＯＮＳＯＲ下佢Ｏ既

食晚飯之前同爸爸媽媽小表弟一家
出Ｏ左樂富行Ｏ左一陣．．．
呀．．．多人到顛．．．人山人海
真係唔係咁鐘意公眾假期出街
迫迫迫‧討厭‧跟本就睇唔到Ｏ野Ｏ既
去到ＳＵＰＥＲＭＡＲＫＥＴ
Ｄ人Ｏ米又係帶住口罩都去試食
隻手都唔知乾唔乾淨Ｏ既‧
咁就去拎Ｏ野食．．．ＤＩＲＴＹ
Ｄ人一二三拎開口罩‧食完‧又帶返
咁樣不如唔好帶‧自己扼先己

之後就出返沙田食飯
約Ｏ左公公婆婆６點係沙田等！
嘩！好耐冇見過公公喇！
反而婆婆就成日見．．．
佢一Ｏ黎到我捉住佢隻手‧好溫暖！
好明顯大家Ｏ既防炎意識都好高！
「拱手點頭‧都係朋友」哈哈

公公問我：「哥哥呢？」
我：「佢遲Ｄ先到。」
婆婆又問：「仲有邊個出Ｏ黎呀？
良仔呢？（佢個大仔）」
我：「好似冇約．．．」
明顯地見到佢有Ｄ失落．．．
佢仲話母親節‧無親節．．．．
場面有Ｄ尷尬．．．

因為婆婆有三女二仔‧但係除Ｏ左三個女關係密切之外．．其他都．．．
大概只會一年食一次飯咁大把！

食完飯‧各自歸家！
我知沙田開Ｏ左ＧＲＥＥＮ　ＢＯＸ
但係就唔知開Ｏ左係邊．．．
哦！原來係開Ｏ左係以前冒險樂園Ｏ個個位．．．（哥哥話過我知）

我：「唱Ｏ羅唱Ｏ羅（十分興奮）」
哥：「唔好以為自為自己冇Ｏ野做就以為人Ｏ地冇先得Ｏ架！」
　
我：「哦．．係喎！今日係星期日喎」
聽日佢要返工‧小表妹又要返學
所以又報銷Ｏ左ＬＵ～～～～