入到間間舖"頭"...全部都係...
小背心啦~ 短衫啦...短褲啦...
搵件中袖睇下都冇
我睇下隻錶...係喎~四月喇喎
真係考試不知時日過!!

但係成二十幾度之下
我發覺我係著梗...
2件長袖衫同埋1件都幾厚O既褸
但係我一D都唔覺得熱喎
再諗下...我好似好耐都冇出過汗喇!
好似出出入入都係冷氣地方
係自修室著三件衫我都覺得凍喎!!

最終梗係冇收穫啦!
CAMPUS 又話出O左對桃紅色O既鞋喎??
我都唔見有O既...........!!
夜晚返到屋企~
都好似好耐冇一齊食飯LU
又可以睇電視...
不過我完全唔知D劇情講梗乜...
係咁問小表弟...

我:「噫!文頌嫻係O米死O左喇?」
小:「邊個係文頌嫻呀?」
我:「呢...O個個仙子呀...女仔呢!」
小:「玉嫻呀...死O左喇!」
我:「點死O架?」

佢講到一O舊O舊咁‧我都冇心機聽
加上我都唔知邊個打邊個.....