話說琴晚係冬至...
食完湯圓...十二點幾...
我係度玩梗電腦
我哥哥同我講..
話食完d湯圓頂住個胃好唔舒服
我仲笑佢"有o左"係度嘔

點知佢真係鬼死咁嚴重
成晚又痾又嘔
凌晨五點幾，最終頂唔順要call白車
而家係威記吊梗鹽水
真係"鄧"佢辛苦 v_v

真係鬼整...
點鬼知自己都係咁
雖然琴晚我都覺食完d湯圓頂住個胃
有d唔舒服...個肚有d痛
但係都成晚鲻下醒下
都"涯"o左成晚...
今朝早爸爸返工，媽媽係醫院未返
得我自己一個人係屋企
一起身，已經嘔到好似開水喉咁
仲要唔暈得，要死出廳打電話比媽媽
如果唔係，真係暈o左都冇人知...
辛苦到顛!

所以晨咁早就被迫去睇醫生
佢問我有冇食錯o野
我諗返起，星期六做節o個日食o左d蠔
唉...我之不過食o左一隻咁大把o乍
醫生話:「係喇!就係因為d蠔喇!」
佢仲同我講英文
佢話:「d菌要時間multiple!」
所以唔會即時病發...

唉!今個聖誕...
睇o黎我乜都唔食得
醫生叫我誡..
海鮮啦..奶類啦..煎炸油膩o野啦..
生冷o野啦 (包括果汁&生果)
o車..即係乜都唔食得!?

原來小表弟都係咁...真係同病相憐!

今個聖誕，由好有oliday mood o既我
而家邊度都唔想去...
最想係31/12 可以去睇返場戲
同埋食 Haagen-Dazs o既
"快樂雪糕朱古力火鍋"
睇o黎原本好想食...
而家就真係"妄想"喇!