我又病左。唉。

睇左醫生，好番d。不過，我覺得自己就來死咁。

我同星星講，如果我死左，叫佢一定要盡快搵個另一個！唔好掛住我。

有冇人同我講，我會幾時死呀？

明天？

是的，明天，我有一個presentation，呼！！！

一開始，覺得條題目好簡單，先同d同學爭住來做。結果，原來依條一d都唔簡單。HK welfare policy!!!

一開始，我以為忙到11月尾就得閒，原來要忙到12尾，12頭至中會比依家更加忙十倍。我唔知點解，依個sem會咁忙。忙到好像都唔知到自己做緊d咩咁。

補習緊個小朋友，我敢講，我比佢媽媽更加緊張佢既學業。咁樣令到我好辛苦。好似佢聽日要默書，佢阿媽知都唔理佢，我就要提佢外婆睇住佢溫。因為我真係忙到小小時間都抽唔到上去同佢溫一陣。但係又忘不了佢要默書。我知道，我真係想幫依個小朋友，但係，佢媽媽咁，佢自己又掛住玩。我教得好辛苦，又好似冇咩價值咁。講真，如果我真係好人，咁不如我去做義工啦，D小朋友可能會更加珍惜我，但係，點解我要係度做廉價勞工？

可能，係緣份問題。諗深D，真係架，我真係想好好咁教好依個小朋友！

希望個小朋友早D生性D啦！

果日，阿蕭來我屋企，驚訝地問我，為什麼我著鴛鴦拖。(如圖，我對腳同鴛鴦拖)

哈哈，我特意的。

生活太沉悶，讀書太沉重。

做D反社會的事(社會學？嘻。)，俾自己一個放鬆的時候。

好似我每一日著住對鴛鴦拖，覺得好得意咁。

哈哈~~~我忙完依個SEM，應該就唔會著對鴛鴦拖了。