今晚同朋友食飯時, 講起話咁快又一年尼個話題, 突然想起兩件事, 真係話咁快原來已經將近一年了...

1. 原來今晚個朋友--”李老友”, 由真正開始認識, 到成為吹水朋友, 甚至傾到計的朋友, 不知不覺已經一年了, 因為我地係由上年年頭或05年12月左右開始, 因為”呂老友”的關係而真正認識, 唔講都唔記得呢! 有趣的是, 因著佢我又識多個搞笑朋友--”梁老友”, 哈哈, 依家”你老友”尼個代號已成為我們之間的暗語了~~~~

2. 在上年年頭短短兩個月間, 原來我已經轉左兩次即三份工了, 第三份一直至此, 但亦係最辛苦最受氣的工, 衰在又學到野, 唉!!! 都唔知好定唔好!! 因為下半年我簡直做到想死, 未有停過, 我的生活就只有做野同瞓覺, 記上年七.八月時, 試過收工返家後就係瞓, 連飯都唔想食, 簡直回復返05年時一樣, 惡夢, 不知不覺到依家又差唔多做左十個月了, 唔知之後我會點呢???