尼個十一月, 好精彩...

今個月身邊的親朋好友都有大小事情發生, 而且更係勞民傷財, 有損家庭和氣的, 希望佢地快D無事, 渡過困境啦!

上個星期我渡過左好開心的生日預早慶祝, 因為我發起搞生日, 朋友及舊同事及表哥表嫂多到無地方坐, 又收到好多禮物, 仲同表哥飲到high左, 雖然有D招呼不周, 但我好開心, 因為知道仲有朋友喜歡我、疼我, 咁已經好足夠了, 其他的人即使無我亦唔介意; 哥幾日我仲收到好多生日禮物同利是添, 哈哈, 超開心!!

今個月實習機構來左一個新男導師, 佢個LOOK好潮的, 我第一眼見到佢覺得佢係夾BAND的, 但佢與不熟識的人是很沉默少語的, 俾我感覺好似一個朋友... 但一時間諗唔起係邊個, 後來知道佢真係有同朋友夾BAND的, 前日我仲同其中一個女導師去睇他有份演出的SHOW, 見到在台上O既佢, 終於讓我想起佢似誰了--一個已故的朋友及同學, 他們的外表、喜好及給人的感覺都有相似之處, 加上今個月係友人的死忌, 難怪我整個月都想起友人, 終於我明白原因了...

今個月我不時間會想起故人, 一個同學兼朋友, 想起一些往日小事, 但偏偏想不起他惜日同我講過佢發過的幾個夢的內容, 我記得是很有趣且與信仰有關的, 但想不起來... 或者這就是命中注定吧!!!!!!!!