一朝早就入沙田，去老人院做義工。
最深印象o既，係o果個感觀治療室。

之後，就行去河畔。
見到咖喱至尊，印度炒飯連熱飲已經加到HK$29，好貴。

行過季季紅，見到切雞飯、叉燒飯同燒鴨飯賣HK$10，就買o左個燒鴨飯，去公園o既捉棋檯度食。
飯量適中，都幾香飯味。
一條菜心，OK喇~
o的燒鴨食落，肉都幾韌，不過就皮略脆；
更重要o既，係佢有一種好獨特o既烤肉味，令o的肉味比出面食到o既更香，所以都幾欣賞。

之後，就行去新城市漫遊。

行過連城，就o係鴻福堂要o左支凍燕麥豆漿。
其實，真係完全飲唔出燕麥味 =.="""
不過，o的豆香味都唔錯；
淡淡地，又更加唔會飲極都口渴。

去旅行社幫父母問台灣5天團，原來都幾抵玩。

行到瀝源，覺得微餓，所以去鴻福堂食o左個藥制龜苓膏。
食落，覺得好甘，咬落唔會滑到似涼粉；
反而好似有少少粉末o既感覺，應該都幾真材實料，好正。
更重要o既，係o的店員好熱情，好有禮貌。

漫遊禾輋，順便食晚餐。
見到維苑五點十仲有下午茶餐，就入去一試。
焗葡汁雞扒飯+熱咖啡，HK$22，唔使加一。
咖啡係即磨o既，都幾好味。
飯無炒底，而且仲係迷你Size；
不過雞扒就俾足全塊，仲要焗得足火喉，所以都好滿足。
成間餐廳無咩人，一個人坐成張卡位，好舒服。

去馬會睇英超，順便安排取消個投注戶口。