又一個紅日，對於我呢o的單身兼無拖拍o既寡佬，反而覺得太無所事事，唔知點磨時間好。

原本以為會好多人爭住買o既渣打HK$150鈔票，可以直入Counter即買，隊都唔使排，磨唔到時間‥‥‥

好在，o係漆咸道間味精拉麵食個Tea Set，都磨o左成90分鐘~
一來o的位真係舒服又好坐，無人加水令我更加無壓力地慢慢坐；
二來因為成間九成滿客但唔夠侍應，由落Order到派餐都做唔切，所以等有人埋o黎幫我埋單都等o左10分鐘，哈哈。
其實，我一向都唔睇好o係香港上市o既純食肆股，不過538 味千（中國）就真係令我大跌眼鏡。一來佢o既定價不斷上升兼食物質素下滑，仍然以較其它日式食肆相宜o既定價，令正餐時間Full House；連昔日較少人o既Tea Time （每日14:30 – 18:00），都推出平價Tea Set （HK$20 – HK$30，連凍熱飲品或罐裝汽水，另加一），Keep住人客量。比較Normal Meal Time，我唔介意Tea Time以較平o既Cost，「享受」較慢o既Service。
順帶一提，佢都係少數令我願意俾HK$20會費續會o既食肆。

尖沙咀好多人o黎睇煙花，不過金馬倫道間KFC o係正舖頭出面同彌敦道派Coupon，仍然只得八成滿，到底o的人去o左邊度開餐？
而且，沿路o既舖頭，除o左金舖外，其它舖頭都唔見得比平時旺‥‥‥

845恆盛地產好易抽中兼暗盤插水15%，即刻攪到銀行經紀行未正式上市就Call定客補水，睇o黎好多人會貪字得個貧。