終於到o左斷頭台喇‥‥‥
1668華南城一開波就飛墮三成，結果都跌兩成三收市；而我隻126達成集團亦插水8%，成為大閘蟹。
呢季o既投資回報麻麻，睇o黎要達致全年正數有難度。

我好鍾意食月餅，而且係最愛純蓮蓉月（白唔白都無所謂）。不過，屋企一向都係買雙黃蓮蓉/雙黃白蓮蓉，因為屋企得我一個唔食黃=.=”””
今年雖然多o左好多假月餅券，但到依家，好多大型餅家都仲有walk-in月餅賣，係咪意味實體經濟仍然好弱，本地內需完全未回升？

仍記得舊年西甲直播好過癮，因為明明1097有線寫o左會播，但播唔到，攪到差o的球迷打交。結果，竟然係有線同8電盈旗下o既Now兩間分途播；而我呢o的無錢階層，都可以o係有線第一台免費所賞。
今年更Yeah，因為有線同Now兩間齊齊唔播西甲！Now已經明言無意思去爭轉播權，但點解有線都無反應？真係香港無人睇西甲？