11:30起身，及時o係11:45到尖咀地鐵恆生會合Joyce。
之後聯同周生及Shirline一齊去寶勒巷Neway唱Lunch K，連後來到步o既生地姐共5人。
有Winning10打，Yeah~
中湯極受歡迎，攪到熱乾水，整個食物房充滿刺鼻o既臭味。
多士爐就要手動式o禁住個制，用心數幾時烘好塊麵包。
Lunch：焗鴛鴦飯（焗白汁魚柳+ 茄汁豬柳飯）+ 凍蔘蜜+ 凍檸蜜。

Shirline要陪佢個妹去見工，所以得我地4個去玩大富翁。為o左費時又要走鬼，又唔想落雨下周圍走，所以去搵樓上Cafe。
不過，由一個未去過尖咀任何一間樓上Cafe o既人帶路，絕對係問道於盲……
金馬倫道o果間唔見牌，加連威中間o果間3點幾又未開，好在路經加拿芬中銀，樓上間Cafe Bloom剛剛3點開始營業，所以可以開戰。
Tea：紐約芝士餅，菠蘿汁（其實唔餓，不過淨凍飲都差唔多價錢，又要Meet最低消費，所以照食。）

大富翁由周生大勝，生地姐失手包尾。不過，奇在生地姐只有4塊地（仲要係水務局，青衣站，赤臘角同西貢，全都唔係貴地），一度抵押剩赤臘角，都可以全數贖回兼有幾千蚊剩，可見其「生地」功力深厚。
Joyce同周生就致力打造離島豪宅區，苦了我同生地姐。
好耐無玩過遊戲棒，始終定力同判斷無以前o禁好。
波子食棋由Joyce大勝，好在波子棋我仍然可以險勝佢。

生地姐好明顯因為玩而食o果HK$35 o既Tea Set覺得貴，所以下次可能唔去樓上Cafe純玩。
拜別生地姐，就去瓊華壽司亭會合Shirline同佢個妹食Dinner。
由Shirline 100%津貼佢個妹，認真廿四孝。
又可能，因為佢聽日返新工而慶祝吧~
個豬扒蛋飯略少蛋，不過都OK。

拜別4位，就行返屋企，慳返少少錢。

明日目標：330思捷，4337星巴克