今日，先至發現，原來科技超級發達o既今日，市場效率仍然可以低得可笑。

10:30開始聽目標股330思捷同4337星巴克個價，一聽到4337買入HK$170、賣出HK$178 o果陣，我仲以為電腦壞o左。SBUX美國星期五收US$27.67（約HK$215.83），又唔係911再現，點解個莊家開價o禁平？收線再打再聽價，聽埋4336應用材料同4338微軟，確保電腦無壞，就o係10:42打電話，用僅餘o既$$$以HK$178買入60股，成為今日第1單成交。
可能由於成半年無成交過o既股，今日有成幾百股成交，個莊先發現問題，所以唔再放賣出價；而買入價，亦悄悄地逐步加到HK$193收市。
我同Walter都覺得，開價o果個會俾人炒魷魚。

Lunch@新逸with阿姐，羅宋湯+ 夏威夷（菠蘿）雞扒飯+ 熱奶茶。
阿姐話Manager走之前，提議阿姐升AM，同因我人工偏低而加我人工；不過，我覺得成事機會好低。

CMG同事Last Day請食Tea，所以食o左炸雞脾+ 薯條+ 燒賣+ 凍奶茶，飽。

去卓悅，用卓悅信用卡幫外甥買特價日本奶粉4罐。

行落旺角，o係仙跡岩睇阿蚊食Dinner；我就淨飲黃冰霸1杯。
Nokia部N76幾貴，不過個款OK。

行返尖咀，溶。

昂平360停駛，後悔無買首日封。