訓到下晝先起身, 之後同占占搵埋亞峰去左金源食飯, 之後就三個人一齊去上環買膠Fa, 但係唔知做乜, 占一上到巴士就成個人靜晒, 可能因為佢太眼訓卦…… 去到上環o個間乜乜行, ruby同亞峰講佢地買開十八蚊一卷, 於是我地一入去就好大聲咁同老闆娘講:「比三十卷我地呀, 我地買開十八蚊一卷架!」點知老闆娘話唔可以賣十八蚊一卷, 哎呀……原來根本就加左價, 死講爛講老闆娘先肯減到十八個半, 唉…咁唔得架喎, 我地三個千里迢迢唻到, 係一毫子都唔可以蝕架!!!但係我同亞峰已經無晒辦法, 呆左咁企係度望住D膠Fa, 就係呢個時候老闆娘開聲喇:「唉, 好啦, 十八蚊就十八蚊啦, 下次唔得架喇, 見你兩個企係度咁耐。」嘩哈哈哈哈哈, 佢終於比我地o既熱誠打動喇!!! 買完之後我就去APA上堂, 占占就同峰去買good show禮物。 今日o係APA上堂都無乜野時別, 撞到Fiona一齊上堂, 好野, 以後唔駛自己一個人上堂~~ 嘩, 跟住之後好趕呀, William成七點先落堂, 之後要急急腳走, 行好遠去到地鐵站, 要o係七點八去到牛池灣……去到牛池灣亞占仲未到, 撞到Peggy係度等緊Carol Kan。我地特登去捧polly場, 崇基AP都幾好睇, 好搞笑, 套drama又係講失憶~~ 唉, 唔知佢係咪好眼訓呢, 成晚?面, 講真我又無迫你去, 你眼訓就成日對住我?面, 真係好辛苦……我眼訓o既時候就要扮精神去應負你對我黑面, 唔開心都仲要扮開心, 點解要咁呀??? Today’s Highlight: 睇完之後去左牛頭角下村食宵夜, 好開心呀, 好耐無試過o係o個度食宵夜喇~~