Today's Highlight: 今日下畫同占出旺角行街, 死人頭食糖水食到遲到, 於是我就上左i.t行左陣, 正當我試緊衫o既時候佢打唻, 接左佢個電話之後好快就收左線, 到換完衫出唻我先醒起無同佢講o係邊度等, 之後打比佢佢又聽唔到電話, 死啦, 下面仲係Twins簽名會添架, 人山人海呀, 點搵番佢呢???哈, 當我一行落條樓梯諗住抬頭搵番佢出唻之際, 佢原來就企左o係我前面咋~~ 眾裡尋他...... 跟住...跟住佢仲送左我一直想要隻小花比我呀, 開心死我喇, 開心到暈低呀, thx very much ah~~ 跟住睇good show禮物, 睇玩具, 睇漫畫時仲撞到gina同亞基添, 佢兩個o係漫畫舖呢......哎呀...... 之後返左hall玩小花, 紮辮仔好靚呢!!! 占走左之後喪訓左四個鐘, 之後上左c1740, jason竟然同我講起心事唻, 唉, 寂寞男孩(lonely boy)的心事......