2004-06-07 14:02:13classkingalice
6/6/2004 好驚呀
今日同LangCom同學會入左大尾篤燒野食, Tommy個死仔又話九龍塘搭火車去太和只要三個字, 點知我三個字先到沙田, 打比佢佢又話沙田入到太和要三個字, 仲話平時無咁耐喎, 今日我拖慢左架車, 激死人!!!
太和呢個地方真係好似大陸呀, D樓可以係紫色配黃色, 粉紅色配粉藍色, 周圍影相, 好似去左旅行咁, o個度好靜架, 佢地話淨係聽到我把聲喎, 好似又係~~仲有係"龜背山", Tommy話<>同<<大逃殺>>都係o係o個度拍, 痴線!
燒烤王其實係爛地一塊, 成日有D亞婆圍住張臺行, 要你比D汽水罐佢地, 仲爭到嗌交添, 好驚呀!D o靚仔o係出面踢波, 差D拆左麥師傅個檔。
雲翔拉真左D頭髮, 成個後生左。成日都落好大雨, 最衰都係nicole帶左條招風雨神o既頸鍊!!!燒完野食出左大埔超級城行街, o係吉之島買左一系列o既海豚野比carol賀壽, 哈, carol, 你唔好太感動呀, 我怕你喊呀!之後等shirley補完習就一齊去許留山食糖水。
Today's Highlight: Thx and sorry very much ah, 要你o係街等左我差不多成個鐘, 遲到你都無鬧我, 但係你信我啦, 我D同學真係無呃我架, 佢地真係諗住搭車去太和係最快架。o係旺角落車行返hall, wow, so exciting~但係行到成身汗, 仲有o係tunnel + 紅磡探險, 唔係喎, 你話係歷險喎, 呵呵~~哎呀, 你今晚終於露出左你禽獸真面目喇, 好驚呀, 唔好呀......