尋晚打牌打到今朝, 原本亞A想跟亞偉上去訓, 但經過我地分析之後, 都係覺得搏唔過。於是亞A都係決定留低打地舖, 傾左陣偈又天光喇, 原來我同Kathy都有同一個concern。無訓過又要去望彌撒, 不過今日收到好多利是, 仲有同黃嘉淩著一紅一金既棉襖, 好有趣。

之係趕返Hall, 諗住o係開會之前訓番兩粒鐘, 點知返到去亞A同Kathy仲係度訓緊, 都話架啦。最終都訓唔到, 唉。

之後返去開會, o係天橋撞到峰峰, 哈, 都估到你啦!!!!!!!

咁樣開會有D奇怪...........之後去左食Tea, Sorry ah, 最衰都係我, 搞到後台成日有光射出唻啦, hahaha~~好鐘意亞聰用"先父"呢個字, 不過, 亞聰, 加油呀, 支持你呀!!!

返到Hall hea 左一陣, Vera落左唻參觀我間新房, 傾左陣偈, 之後搵埋亞偉去食宵夜。哈, 又係我地三個, 仲記得亞聰點樣形容呢個組合。 就唻行到車行時亞偉問: 「你估車行新年有乜佈置呢?」原來佢仲記得聖誕前我地三個o係車行睇左好耐o個晚, 哈哈!!!!

o係新發食野o個時發現有個門鐘類物體, 估左好耐係要唻做乜o既, 好有趣。但最後知道左用唻做乜之後, 當堂失落曬..........

返到Hall之後同峰峰玩左成晚icq, 好好笑呀, 仲有渣蕙, 大家都好鐘意"親密戰友"呢個詞語, 仲有, 我地唔係至埋同一條"船"咁簡單, 係"戰艦"!!!!!hahaha~~今晚又差D笑死。

成日無訓居然十分精神, 果然係靚怪獸!!!!!!!!!

今日真係好開心, 多謝天主!!!!!!!

Today's Highlight: 今日亞A好急咁打比我, 話呂秉權係新間簡報度講粗口, misread 塑膠廠as 塑GAU廠, 仲要自己更正番, 哈, 係咪講真架???後來經亞偉證實, 竟然?! 咁樣我只會越來越愛佢架咋喎!!!!!!!!!!