今天高考放榜，身邊只得一個表妹是應屆考生，
成績不俗啊，三個AL有1B2C，
um...應該係非常好才對。

回想四年前自己的高考成績，真係慘不忍睹，
就因為咁，我先冇後悔過入教院...哈...
唔入教院，仲去得邊丫...

不過今日回想自己的預科生涯，
除左識左班黎自不同學校的”外校生”，
好似冇咩藉得留戀，
對於呢間學校，仲有點兒覺得入錯學校添，
唔係話想推卸責任，
我絕對認為讀書是學生自身的責任，
但是，作為教師都要負上部份責任，

呢兩年內，喺宣道教過我既老師，
我仲記得好清楚，

中化科: 伍六七教，係我班主任，其實佢教得幾好架。

UE: Ms Chan Chan 教，雖然教得唔係咁好，但係好有誠意教書既新一代老師。

Chem: 梁sir 教，佢本科知識豐富，係學校既老臣子，由九龍城宣道舊校時代教到入黎屯門，經歷學校多年變遷，見證學校收生由九龍城一級尖子轉為屯門三四級學生。佢係第一位令我見證到會睇唔起學生既老師，係一位無誠意教”能力相對一級尖子差”的學生，成日話我地”粗枝大葉”。

Phy: Ms Lui教，師奶一名，顧住生仔既女人，响我讀緊果兩年內，請左次產假生仔，搵左個宣道舊生做代課，兩個都係教得咁求其，成日都覺得，上左堂=冇上堂，佢地講左，即係冇講，都係要自己睇書自修...

P. Maths: 羅sir教，佢真係一個最冇誠意既老師，佢一d都唔理個P Maths syllabus，好記得佢用左中六第一學期近一個月既時間，自我陶醉咁教晒成個out of syllabus 既chapter (set theory)，而且，佢成用好少時間講基礎理論，佢覺得d 基礎理論”簡單”，完全唔理我地既學習需要。
仲好記得佢每一堂純數堂，都只用少於三分一既時間去教理論或做一個例子，其餘時間俾我地自己做數，而此時此刻，羅sir 就會開住部手提電腦做野，傳聞佢要睇住個股市...(我明白practice makes perfect 呢個道理，可是這樣的課堂安排真是有效用嗎? 若是有效用，學生的測驗、考試成績應該可以反映出來啊...)

以上既評價，純粹個人意見，可能你會覺得我偏激或推卸責任，你唔同意我既觀點...唔緊要...我無非想發洩下啫...

即將為人師表，我會汲取自己預科既經驗，即使與學生關係欠佳，學生對學科沒有興趣，我都要拿出我的教學熱誠，對得住我自己既良心，對得住份人工，對得住班無辜既學生。