【民正新聞記者:蔡永源台南報導】221是世界母語日，是根據2001年聯合國教科文組織（UNESCO）所訂定，世界文化多樣性宣言，主要是向世界呼籲母語ê重要，全世界大多數有提升母語保護ê意識，語音保留kap多元智能ê相關性mā漸漸有受著重視，m̄-koh，若無使用LMJ真難達成語音準確保留。http://youtu.be/Kv3X0d0p4U8

雖然台灣人有真濟族群，語音真豐富，m̄-koh經過長期語言無平等ê共同歷史空間，所以台灣多元語文ê寶貴，漸漸消失tī獨尊華語ê潮流中。台灣羅馬字協會伸向歷史ê角落，搜揣台灣每一塊土地上ê聲嗽，欲達成客語、台語、原住民語、日語，古荷蘭語lóng總有ē-sái記錄ê工具，台灣人族群lóng應該tī這日徛出來聲援家己ê族語書寫教育權，也就是學習世界性ê羅馬拼音文字。

台灣需要上接近世界ê文字工具做橋枋，因為台灣社會有真濟外偶，in通常有LMJ ê基礎，所以LMJ是in認捌台灣上kín ê工具，beh推行LMJ使這ê平台運作起來，國內可以經由母語認証提升LMJ能力，這ê事工mā是台灣羅馬字協會ê宗旨。

本協會特別研發羅馬字創意字母圖教材教法，以趣味ê放煙火、開雨傘、蝶仔飛ê圖解方式，簡化羅馬拼音過程，使學習者快速習得語音記錄ê方法，這也是學母語送英語ê妙招，可以及早為國際語言打下基礎。所以特別tī母語日發表輕輕鬆鬆學羅馬字ê方法，期待台灣朝向多元智能做多元語文保護，促進各族群語文交流以增長智能。   第二條本會依法設立，不是以營利做目的ê社會團體。

宗旨有：

    1.推行台灣羅馬字ê研究及普遍 化。
    2.追認台灣羅馬字及台灣話ê法定地位。
    3.要求政 府實施公平正 義的多語文政 策。

    4.建設多元、開 放、互相尊ê台灣文化。

l   第五條本會欲推行的事工有：

1.辦理台灣羅馬字ê師資培養，一般教學及營隊活動。

2.辦理啟蒙性及學術性的研討會。

3.鼓勵編寫及發行台灣羅馬字ê出版品。

4.促進台灣羅馬字ê電腦化。