噚晚為了睇奧運成五點先走入房訓呀，但奇怪地７點幾又扎醒左，不過我訓返，十點幾又起又訓返，到左十一點幾先起身咋，睇左陣電視就落街喇，哈哈哈～

今日又落雨喇，我又唔記得帶遮喎，明明落街既時候無雨架嘛，淋左成日雨，但我好鐘意比雨淋丫，凍凍地架，今日個肚又痛喇，激死我，一路食野一路痛，跟住返到屋企都食左粒藥就訓左係梳化到，但我起身既時候變左係地下？一定係我自己碌左落去喇～

今日又拎多一面獨木舟既金牌，又係無諗過有個隻，今晚又有跳水既田亮丫，仲有中國女排丫，又唔洗訓都得喇～好想中國贏美國丫，因為美國真係有乞人憎丫！！

呢排成日落雨，希望星期一唔好落喇，因為我地去BBQ，或者係我地成班人最後一次係返學前既約會喇，唔知我地會唔會膝足談心，說說自己既理想？