13/12/2004-6/2/2005係依段時間裡面睇到好多野呀！
依段時間係我讀81201 Diploma in Hotel and Catering Year 2 既實習，依我同Christopher就一齊係北角海逸酒店返工喇！我地做三個部門呀！做左F&B啦(Grenns) ，Housekeeping啦，同FO呀！係依8個星期過得都ok啦，又唔係快又唔係慢啦！等我講下返第一個部門F&B先啦！第一日去到都冇咩野，可能我地之前F&B都有經驗，所以冇驚過，而且果到好簡單，仲容易過馬會，開頭做就有既感覺就係，下…酒店黎架，冇咩services既，仲衰過我係Steward咁多既！所以都唔係咁有心機做，因為日日就係收碟收碟，悶到死，有好多地方我都覺得唔似酒店！我呢~返F&B果D時間都叫幾好架喇！第一個星期我返I(即係12:30pm-9:30pm) 唔早唔夜，第二個星期就返K(即係2:00pm-11:00pm) 都冇咩野，跟住果兩個星期我就返H(即係12:00pm-9:00pm) ，依個時係幾好架！時間又過得快，又唔洗太早起身，返到屋企又噱係太夜，仲有一到9:00pm就走得，唔洗收埋檔先走！哈哈！而最尾果兩個week我就返C(即係7:00am-4:00pm) ，依兩個星期想死，日日都要4:50am起身，不過~返早之後D時間就好好用，講返先，做做下，一日一日咁過，都覺得做得OK啦，雖然Skills就冇咩學到，因為之前都識，不過學到好多野其他野既！學到同人相處，忍耐，不斷不斷返場，點樣掙得最多錢啦……修左六個星期同D長工都熟左好多，所以都做得幾開心！下次先講埋Housekeeping同 FO啦！