7/2/2004(星期六) ，本身依日要返馬會，但係要比賽，所以我就請左假，我地第一場打3:40pm，我地約左2:30去到西區公園體育館，我一點出門口，落街食野，之後就搭960出去，去到新圍站果時撞到Billy，跟住同佢一齊坐，佢打第一場既，應該係2:30pm，但係佢唔知醒，攪到依家先搭車，果班車又特別多人wo，去到港澳碼頭都2:20pm，阿邦到左港澳碼頭，咁我地三個人就搭的士去喇！去到岩岩2:30pm，Billy就即刻換衫，好彩佢地仲未開場！去到阿峰都到左，我地第一眼見到佢就問佢，嘩…你著短褲黎唔凍呀？我地睇左陣，之後就換衫，我地第一場對中天，第一局本身都我地都打得幾好，但係中段唔知做咩，最終第一局輸25:23，第二局我地贏返，我地又要打第三局，開局我地打得好差，俾人帶先好多分，去到14:8，我地輸多一分就輸，跟住到阿細開波，我地連追6分，打到14:14，最終星尾個分我一傳接唔到，俾人直接得分輪左第一場，唉…到依家我都唔會唔記得最尾我接果球，如果接到我地可能會贏呀！最衰都係我喇！之後檢討，之後就等第二場，第二場對JR，高飛都黎到喇！咁第一局我都有份出，我地自己失左好多波，又好似入唔到局咁，結果輸左第一局，之後換左高飛入去打，我就冇出，咁第二局就贏返，我地又要打第三局，又係俾人帶先幾分，去到14:11，輸多分就輸，但係我地追到14:14，之後又有元朗佢地D人幫我地打氣，最終贏左依場，之後我地就去食野，勁肚餓lor，食完再睇陣波，又要準備喇！第三場我地對MIRA，依場將會影響到我地出唔出到線，依次就幾輕取2:0，最終以次名出線，唉…但係之後就難打喇！打完咁我地換衫就行去搭車，我同阿東，女巫，阿細就搭960，返到去同阿東，女巫食野，之後十二點幾就返到屋企喇！返到屋企都幾累呀！
下次要努力D喇！