8/1/2004(星期四)，朝早就好早起左身，食完野之後咁就搭車出去啦，出到去就交覺費先，跟住就去拎返張智能身份證，張證都算ok啦！之後就行去Haking，返到Haking，咁我就上去我個Log架到拎返D notes啦！點知一開，我發現有一袋既野，原來係Nathalie同Vannessa既禮物，果時真係估都估唔到，我過左生日咁耐佢地都有禮物送俾我，我真係好開心呀！真係都唔知點多謝你地喇！Anyway~Thank you very much
咁之後我就拎完D野就去上堂喇！我都冇遲到，仲要11:30好準時去到，上完兩個鐘既E100，之後有個同學依日生日，咁又食有左D蛋糕，食完我陪同阿Mike佢交學費先，跟住就一齊去食下午茶，食完就拿拿臨返Haking做ILLP，阿Mike四點就走先，我就做到四點半就走，跟住我同埋阿康，阿威同阿Rain就行過去長沙灣體育館喇！去到做下熱身咁就夠鐘可以打波喇！我就同Simon同阿Rain搓波，今年第一次book場練波都差唔多黎齊，都叫好好喇！好彩冇晒左我打電話俾佢地既心機呀！哈哈！練到7:00pm，我就同左麥振，肥峰同阿康去食野，食完咁就返屋企喇！

PS: 真係多謝晒D禮物呀！^^