＊＊＊１６／７　星期六＊＊＊
今日唔使返工，終於可以訓晏少少喇～～～之後出左去藍灣等佢放工一齊食ｌｕｎｃｈ　啦～～去左一間好特別既餐廳～～～有ｄ位係韆鞦椅～～坐上去可以好似打韆鞦咁左搖右搖～～ｏ個個位又對住個海～～所以好正呀！！！ｄ野食都唔錯呀～～～～食飽飽就去太古睇恐龍化石呀～～～～ｗａ～～～～好高好大隻呀，當然都有Ｄ　細隻既～～～勁多人睇呀！睇完順便行下ｏ個度啦～都幾多野行喎！不過行左好耐．．．．好累呢．．．．．之後佢有節目，所以我就返屋企食晚飯啦～～～都好既，出左去食兩晚．．．．好想食下住家飯呢～～～


＊＊＊１７／７　星期日＊＊＊
今日好乖咁留向屋企～～邊度都冇去ｌｕ～～～一來慳＄＄啦～～～二來要抖抖喇．．．．訓到成１點先醒，好正呀～～～^^～～～之後同爸爸媽咪落去食ｔｅａ（其實係我既早餐＋午餐＋ｔｅａ，ｈａｈａ～），食飽飽就行下我好鍾意行既日本城呀，萬寧呀～～～返到屋企無所事事．．．．．於是又走去訓．．．ｈａｈａ．．．．因為太累喇．．．訓到食晚飯起起身～ｇｄ！


＊＊＊１８／７　星期一＊＊＊
今日ｌｕｎｃｈ　留向ｏｆｆｉｃｅ食自己帶既飯飯～～我諗住以後都多ｄ帶飯呀～～一星期出去食２次到啦～～要儲＄＄呀～～～

夜晚同佢去沙田做ｇｙｍ，本來都好地地，點知走既時候又發生左ｄ唔開心事．．．．．．．唉．．．．．．．．．結果一個人係公園喊～喊飽先返屋企啦～～好彩最後佢都有打黎氹返我．．．．不過喊完之後好好訓呀．．．ｈａｈａ


＊＊＊１９／７　星期二＊＊＊
今日超熱呀～～～返到公司已全身大汗．．．．ｔｏｏ　ｂａｄ！收工之後去朗豪坊同佢去睇“ｆａｎｔａｓｔｉｃ　４”～～都幾好睇呀～～好搞笑下～～不過睇到個ｅｎｄｉｎｇ，就知將會有下一集啦～～～


＊＊＊２１／７星期五＊＊＊
聽日就係同事ｓｔｅｐｈａｎｉｅ　既生日，所以我地ｄｅｐａｒｔｍｅｎｔ既同事就齊齊出去食飯ｃｅｌｅｂｒａｔｅ～～去左“水車屋”食日本野～～都好多野食呀，食左魚生，加州卷，天婦羅牛肉蕎麥麵，炸香蕉，綠茶雪糕～～ｗａ～～好好味呢，食到好飽～～～不過都好貴下．．．．連埋請ｏ個位同事，每人七十幾蚊．．．．ｔｏｏ　ｅｘｐｅｎｓｉｖｅ一個ｌｕｎｃｈ．．．．．好彩唔係食ｂｕｆｆｅｔ　ｏ者．．．．不過下星好似到ｔａｍｍｙ生日．．．．ｏｈ．．．．又要洗多一筆．．．＞＿＜

夜晚約左ｓｕｋｉ出去旺角～～～好開心呀～～～好耐冇見佢＆同佢傾過計喇～～見佢咁開心咁ｓｗｅｅｔ～～真係好喇～～～^^～～～今次又係佢大收穫呀～～～我就反而冇喇．．．．行到成１１點幾先走～～～不過都未夠喉ｏ忝．．．ｈａｈａ～～～

＊＊＊２２／７星期六＊＊＊
今日好慘．．．．．本來都好地地，下晝仲一早約好佢出去ｓｈｏｐｐｉｎｇ～點知．．．．搭ｋｃｒ時開始有ｄ唔舒服．．．肚肚勁痛之餘仲標晒冷汗．．．．本來要係旺角站出既我就要係九龍塘站出．．．．．一出到車廂，成個人軟晒．．．．ｏ個陣真係好驚自己會暈左向度．．．．搵到個位坐低以為會舒服ｄ，點知都仲係咁，仲要想嘔，塊面，雙手有ｄ麻痺既感覺．．．．即刻打電話比佢話唔去啦～～之後就等佢過黎接我返去．．．．．坐左一陣好ｄ，佢過到黎就陪我返屋企，不過搭ｋｃｒ　既時候好凍．．．．好彩有佢既溫暖之手，仲有佢又講下笑氹我，分散我既注意力，等我冇咁痛啦～～返到屋企仲係好辛苦呀～～～於是一訓就訓到食飯先醒．．．但都冇胃口食～～飯後有我心愛既ｃｈｅｒｒｙ　都冇胃口食呀．．．．於是又走去訓，本來媽咪話同我去睇急症，但我ｒｅａｌｌｙ　唔想郁，所以唔去啦．．．．．．

唉．．．．咁難得先等到星期六唔使返工，今日又咁好天．．．．點知一日就咁就訓左去．．．．．ｔｏｏ　ｂａｄ．．．．．＞＿＜