好﹐用廣東話先。

每日加班加到咁夜﹐其實都係想每日都清晒所有要做嘅嘢。不過前幾日因為要出街﹐又要被迫早走﹐結果搞到啲嘢積到人都癲。仲要係每日啲email好似驚你做唔死咁﹐成百封咁send來。

其實最麻煩就係要搞掂番上一手啲手尾﹐一個唔覺意原來成幾個月冇訂貨﹐或者冇入人哋張訂單落電腦﹐人哋一打電話來就真係死硬。

仲有係﹐都仲未原全可以好快趣咁做每一個步驟﹐因為我最怕做錯嘢。以前响合昌都已經養成呢個習慣﹐做一樣嘢會check三次。仲有係我會mark底我每日要做d咩﹐做咗d咩﹐變咗又用咗d時間。

所以而家起碼都要8﹑9點而走得。

不過又真係冇諗到﹐咁樣唔代表你俾心樣去做﹐而係做樣做得慢。今日被人咁樣講一講又係噃。

呢個星期都要諗一個最有效率嘅方法去加快speed 先。

下個星期要上中山個客度﹐唔知經唔經上面間屋呢。