今晚照樣帶住疲倦既身驅回到家中,(耐無接觸我的人可能吾知道,其實小弟由今年5月開始,由於department請吾到人既原因,批左百幾萬比我地開OT,用黎減低cancer patient既waiting time,所以一向”精壯”既我,已經日日開2-3小時OT,基本上我都開始做到幾疲累),第一件事就係打電話問侯下住在樓下,跟左我都成6,7年既學生哥,睇下佢會考考成點……雖然近依兩年都吾多同佢補習,因為太忙既關係,但始終有一份濃厚既感情,畢竟他和他家姐都係我中五出黎”行”既”第一檔”客仔…….與他和他媽媽先後都傾左成個鐘,替他們分析一下前路同給予我不專業的專業意見…今晚亦借機會同沒聯絡近兩年的姐姐傾左陣電話,問候下她今年升港大的事,問下她有無join o camp,又問下住hall的事和談談大學生和中學生的轉變等等……

與他們結束對話,放下了電話筒後…..我閉上了眼睛,不禁回想起很多事情,回想起的不只是自己從前的學生時代,更聯想起近依三幾年不斷轉變的事物…..感慨良多……感慨真的很多…….

依幾年可能太個專注自己的事業發展同埋股市經濟$$的發展,忽略了身邊很多的事情….原來世界除了自己外,大家也在變化…..學生哥重考會考成功,學生妹已經亭亭玉立做了準大學生,還替人家的學生哥補習,而且言談同思想都成熟了不少…..那位”學生妹”雖然已經長大了,但留在我惱海中還是當年的黃毛ㄚ頭呢,另外我亦想起當年一眾的補習學生仔女,有很多都沒聯絡了,都不知他們現在怎麼模樣,不過想返起當年的時光,百般滋味在心頭呢!!望一望阿媽…..阿媽頭髮都白了,阿媽老了,原來….所有事物,一切都在轉變中…….

老矣!過多半個月我就二十有五,不再是18-24的青年時代。進入人人都話自己廿五歲的時代,究竟會點? 心境再比以前靜一些?定係個人會再懶一些,一樣不理會身邊轉變中的事物,活在只有自己的世界?

哈哈,今日一打就打兩篇…真係一年都無兩篇,今日就一晚打兩篇,你話…..我係吾係發癲?!