小妺有幸跟老闆去睇拳賽，本來以為只係老闆有興趣去睇又買多左飛，但去到發覺原來老闆有份贊助其中一場賽事，我地除左坐係檑台的第一行外，老闆重會上堂頒獎，可惜我地無人有帶相機．(老闆叫我上埋台一齊頒獎我死都唔肯)．

我從未睇過拳賽的，當日我本來諗住去睇識下，但當日ｄ明星俾拳手更吸引，有方中信(離我十個位左右咋)，錢家樂，錢家豪，洪天明，謝天華，黃夏慧，元彪，一個我唔識名的女星(d人話佢係拍三級片的)，一個之前話佢藏毒的男歌星(我只係知係英皇的人，但唔識名)，本來我想同方中信影相的，不過佢俾好多記者圍住，之後老闆話佢會去慶功宴到時同佢先影，點知我被騙呀，得黃夏慧同一ｄ唔知名的明星去咋～

拳賽原來都幾好睇，我睇到好肉緊．我同老闆同佢ｄ朋友賭邊個嬴，輸左輸一支啤酒，結果我無輸無嬴．拳賽中有人流血有人整傷，但佢地都好有體育精神堅持到底．去到慶功宴我同左好多拳星影相呀～　^.^