昨晚吃飯時, 我問媽有關給外婆祭品的事, 因早前姨媽反對我們買一套麻雀給外婆.

我問媽: 將來你死了, 你想我地燒咩俾你

媽說: 唔好喇, 將來我死左, 排個期, 燒左我啦, 唔好用幾千蚊的骨灰盒, 求其用個盒入起佢, 放三五七年, 嫌阻地方就丟啦, 唔好浪費錢搞喇

大家聽完, 說笑叫好

媽淡淡地說: 我同阿媽講將來我都要做返佢個女

此時, 我聽到已眼濕濕.

家姐又說: 我都係wor, 我都要做你個女, 做阿婆個孫

媽回答: 吓, 唔好掛, 又做我個女??

我又說: 係呀, 仲有我.

俊又說: 我要做你個孫.哈哈, 仲有臭b都係你個孫

我說: 俊俊, 如果你早死過我, 我燒個磨姑俾你

俊: 吓, 磨姑??

媽說: 俾我就燒本英文字典俾佢喇, 等佢唔識之呀啦

俊: 吓,唔好啦, 阿婆...買爆丸

家姐: 哈哈,燒個大磨姑俾你食左變大, 好似mario咁

俊好開心: 我仲想要nds, 姨媽, 你死左, 我燒臭b俾你

家姐: 我閘住你呀

俊: 婆婆, 我想寫封信俾太婆, 叫太婆同太公做返好朋友, 要做左好朋友先可以一齊訓, 之後先生你出黎ga

媽: 咁你寫啦, 出殯當日你燒俾太婆啦

我: 咁唔該你寫d字寫好睇d, 我驚太婆睇唔明

俊: 我會寫埋俾太公, 叫太公去搵太婆

家姐: 搵唔到咁點算

俊失望地: 吓~~ 搵唔到咪搵警察lor, 唔通以後都搵唔到咩, hehe, 搵到o既, 因為阿婆話要做太婆個女ma

這刻, 我已經含了一包眼淚, 但又唔可以滴出來, 原來阿仔係咁生性, 原來就算阿媽這一代生活幾艱難, 佢依然樂意同返佢的家庭生活

媽再說: 將來唔好搞咁多野, 唔好整個禮堂喇, 將來你地死左, 落到去見到阿媽想叫一聲阿媽就叫啦

嗚嗚嗚~~~~母愛真偉大

我想說: 阿媽, 可唔可以唔好搵返呢個老豆呀......

相信, 沒有這個阿爸阿媽, 就沒有這個我. 所以..... 我仍然樂意做他們個女

家姐: 可能將來臭b係你表哥呀?

俊: 吓, 唔係呀........

家姐: 等你成日蝦佢, 將來做你表哥, 蝦返你

媽: 俊俊, 所以你要對我地好d喇, 可能將來媽咪係你個女, 你而家激媽咪, 將來媽咪激返你呀

俊: 吓~~~~

家姐: 可能將來媽咪係你老婆

俊: 吓~~~~~~~~~~~~~~~ (想了一會)咁都好, 唔好好似表妹咁

媽: 表妹做你個女啦

哈哈哈哈~~~~我地大笑, 俊俊苦笑