有一句話講「男大當婚，女大當嫁」，這拜天地、入洞房在古早的時存，是甘若親像是中著狀元同款的四大喜事之一。這天不管是男方的親戚，還是女方的朋友，大家攏是歡天喜地的穿的水噹噹的，來向新郎、新娘恭喜祝賀，當然也袂忘記彼一杯喜酒。

但是大家可能攏冇注意到，彼做新娘的人在欲上花轎之前，要在伊的頭頂蓋上一幅紅巾？有的紅巾擱有繡著彼八卦圖呢？啊擱有彼新娘位家中走到欲去上花轎的途中，彼媒人婆還是伊新娘的姊妹要拿著一個彼籮筐，為伊來遮著彼日頭呢？又擱有，在彼新娘的花轎頂為啥由要用竹竿掛吊著一塊彼豬肉呢？這我提出來的代誌，可能恁大家是有看到過，但是恁甘知影這一切的規距是為著啥由否？這你不知不要緊，等你看煞這「仙拚仙」的故事，你就攏會通瞭解了！

人物介紹-
余佳蓉飾演寶　惜　
簡家瑋飾演阿　泉　
林小樓飾演金　花
丁華寵飾演阿奇師　
郭力夫飾演九　斤　
楊少文飾演陳財主