今晚睇左兩場好有文化氣息既法國電影 & 弦樂團表演
法國電影月係法文系搞既活動
每星期都有特別挑選既法國電影
今次睇左套卡通片”大雨大雨一直下”
其實內容同 挪亞方舟 大致相同
都係大雨水災, 動物同人一齊係船內等待.
但不同係多左隻好奸既烏龜, 睇到我都想要”mook” 佢殼
睇完戲番宿舍時經過百鍊展演中心, 見有弦樂團既期末公演.
因此就去欣賞埋喇~
因為去到時係中場休息, 我地只可以睇到下半場, 但都好精彩.
最後仲有endcall 添 !~

我聽弦樂團演奏時, 望住拉小提琴既人
心入面諗到好多野. 真係後悔當時唔繼續學落去, 即使只係興趣班
越諗越想可以有機會學番.
如果可以, 可以暑假學就好喇...

人生除左”吃渴玩樂”呢種文化外
其實每個人都好需要有內在既涵養
學識一種樂器, 雖然並唔可能係你既求生工具.
但至少佢可以薰陶人生, 陶冶性情.
令到人有氣質.

唉~~~~~我諗過喇
如果我要學, 哈哈, 一定會拉埋男朋友同我一齊學je~~
可以想像大家一齊玩樂器, 比起行街既生活真係有意義得多.
再唔係, 第時我既小朋友, 一定要從小培養學識音樂
咁做媽咪既, 都可以同小朋友一齊從 ”0” 開始Je~~~ 哈哈 !

想太多喇... 咁長遠既夢.
而家先要應付既睇怕應該係接踵而來既報告
唔完成晒佢地, 睇怕我都幾難有個快樂既暑假囉 !