我從來都好怕人地發我脾氣，好怕人地鬧我，甚至睇到人地發生呢d情況我都覺得好難過
但偏偏從小到大我都比人鬧，比人發脾氣
細個果陣，對於我恐懼既強權，我幾乎係冇反抗意識，但那時候的我已經很會反思自己有冇錯
如果自己沒錯都比人鬧，我都唔會覺得太委屈因而反抗，淨係得個驚字，除非果個人我唔驚佢啦。
如果我有錯比人鬧，我就更加唔會出聲。
但果陣我比人鬧10次，其實都沒有1次係我錯的，但總有人覺得你"抵鬧"，但那時很乖的我不是覺得自己做錯了，而是做得不足，"抵鬧"，所以我都係唔出聲，我會諗，我沒道理駁他，因為佢想我好，而我做得唔夠好，我抵鬧。

到大個左我開始有反抗意識，對於唔係我錯，或鬧我果位太過份，我會有明顯的忿怒感，其實這是好事，不然的話真係死左佢好過。但問題係，我越大個就越差勁，越多野係我錯，漸漸我覺得自己欠人既多。但同時，我越黎越唔鬧得。我好想好想發返佢地脾氣，如果我有資格的話，我好想反班仆街既枱。我比人鬧既quota已經用晒，我22歲已經用左人地幾世人比人鬧既quota，我唔想再受呢d冤屈氣。
但係對於越黎越垃圾既我...我真係做唔到，我冇權咁做，冇資格咁做
所以我係好憎自己，用憎自己呢個途徑黎宣洩，導致自我形象越黎越負面，我冇資格憎人地，唯有憎自己
我間唔中就唔太食野，因為嫌自己肥，覺得我呢d不事生產既垃圾唔應該食咁多野

而家我比人鬧親，我都諗搬去深山住。咩人都唔撚見，唔同人接觸，咁我就冇欠你地，我有權咁做。
太麻煩啦，如果連咁都有人干預，真係死左佢啦不如

非常1999，你地睇唔明就算啦

其實事源係先兩日做FYP demonstration。
但果日要補習。其實之前已經present左，所以我估demonstration應該幾快。3個人要dem，4點開始，我補5點半。
其實都係我唔岩，我預到咁閔。我係最後dem果個，但去到4點10仲係dem緊第一個，果兩個教授係咁問人野。於是我打去比個學生，想同佢講我遲d先去到。結果冇人聽。前後打左5,6次都冇人聽。結果差唔多6點先到我dem，我dem緊果陣佢老豆打比我，我同佢講我遲d打比你，然後cut佢線，我仲要用部電話黎dem tim。唔記得講，咁岩果排我del左whatsapp。之後我6點5 dem完。冇耐後佢老豆打比我，我話唔好意思我7點鐘就黎到，我打唔到比你個仔...果下我係嬲，佢個仆街仔都唔係第一次，有手機又唔撚聽電話，我遲左先去到又打比老豆報串，之後佢老豆就打黎催我，屌咁撚大個人仲咁屎忽鬼，電話又唔撚用。之後去到補完走埋，走果陣都見到佢老豆老母，果陣都好聲好氣。

其實我覺得搵得私補既都係廢學生，唔係得罪講句。廢學生唔係指蠢，而係被動。我亦都好唔中意呢d家長。自己生完出黎唔撚識教，就比錢搵人黎教好似自此佢地就功德完滿，咩都個老師搞晒咁，其實你個仔被動成咁，唔用腦成咁，我堅係幫佢唔到，但佢地連個仔唔肯用腦都唔知，都唔撚知佢地點同個仔溝通

講返單野。然後我今日dl返whatsapp，佢老豆果日6點幾whatsapp話: I am very upset. Please no need to come.
又再一次比人發脾氣...

我有時諗，如果任何事唔理邊個岩邊個錯，我講句對唔住就可以大家開心晒，我講一千句，跪撚埋你都得。但人總係認為"對唔住大晒呀?!"，總係唔會覺得自己發人脾氣人地會幾咁難受。我真係覺得好委屈好難受。自己野已經好撚柒煩，但你地係唔會理。我自己好撚煩惱好唔開心從來都冇搵過人出氣，都唔知點解咁唔公平。我會諗，如果全世界既人都好似我咁咩都冇所謂，咩都諗人感受，呢個世界實好和平，雖然到時個世界可能會好冇效率....


(發洩完畢._./, 各位如果覺得我有問題想批評我既就算啦, 我唔想聽呢d, 就當我唔岩啦)

釘