睇張poster已經知唔對路，所以上映時冇睇。

因為’傻豹’卡通是我的童年回憶，所以幾唔妥，都會租來瞄瞄，懷緬一番。

宣傳文案：

世界知名足球教練古榮帶領法國隊躋身世界盃決賽周。當人人興高彩烈蜂擁到古榮身邊慶祝時就出事！古榮被一支毒飛鏢插中，即場暴斃，而手上價值連城Pink Panther鑽戒亦離奇失蹤。案件落總督察戴菲士手上，佢諗計說服烏SIR幫佢查案，仲搵個臥底警探波波做線眼，幫佢監視住烏SIR一舉一動，自己坐 office等領功。警長烏SIR，人如其名，行為「騎哩」，思想古怪，又有語言障礙，手法奇特、烏龍百出，但總有自己的方法破案。烏SIR帶住小秘書妮歌同埋臥底警探走遍巴黎同紐約，搏命搵線索，中途乜人都遇到，烏SIR洗出唔同「騎哩」殺手，烏龍笑料不斷，竟然比烏SIR發現隻超級鑽戒原來古榮死之前親密女友手上！嫌疑犯出現，戴菲士即刻撲出領功，烏SIR被逼退下火線，但佢滿腔熱血誓要為民請命，真兇能否真的逍遙法外?


其實條trailer幾好笑的，不過最好笑嘅已經在trailer中見過，所以睇戲時會唔識笑。

我覺得有D八十年代賀歲片feel，一大班明星無無聊聊引你笑。

我雖然唔得Steve Martin，亦唔好Beyonce Knowles，

不過片中竟然有 Clive Owen 扮 006！！！

真係好驚喜 :)

而且仲有Emily Mortimer (Match Point個有錢女Chloe)扮盲懞懞秘書，都幾funny。

尚連奴(Jean Reno)應該係等錢使，呢期不斷見佢做配角，

愛妳如詩美麗 (The Tiger and the Snow)做自殺詩人，

達文西密碼(The Da Vinci Code)同本片都做探長，

總覺得他近年的角色都發揮很不太好(甚至有點西洋版林雪feel)。

我明白要做返《Leon》係冇咩可能，但都希望佢可以拍返d有水準的戲。




pic from Yahoo!