嘩 俾呢個新聞台嚇死 前一天又開唔到..
好在而家又開得返..要打返呢幾日d日記先啦..

講返七一假期 一連兩日 原本我一早book咗”金公主”遊輪
諗住同老公兩個人舒舒服服去玩吓..唔去得遠 又唔行得咁多..
咪諗住去呢d賭船仔玩吓老虎機囉...又包三餐自助餐(晚 宵夜 早餐)
仲諗住可以喺甲板睇埋煙花架嘛..
所以臨出發前仲買咗d零食 好期待咁去到碼頭攞船票嗰陣..
嗰度d職員發覺我有bb 話安全理由唔俾我上船..
我話: 報名嗰陣都無話孕婦唔俾上船gei..而且我25週咋wow..
回應: 我知 我哋無問 你哋無講 我退返錢俾你啦 因為你有咩事 成架船都唔開得..好大獲架.....(解釋一大段)

佢哋死都唔俾我上船 心情即時down晒..老公見我咁..
就同我講: 算啦 如果聽日唔落雨 就同你過澳門玩啦..唔好唔開心啦..
講完之後 就同我去咗冒險樂園散心..

雖然好失望 不過 只要唔落雨 我仲有得去玩..所以仍然充滿希望..

結果? 看我勝利手勢同笑容..知道非常好天了..
感謝主^.^

拜拜香港 我終於可以離開呢度 一日咁多..
心情已經好滿足啦..

天氣好到無人信呀..^.^

因為無諗過真係去到澳門 所以周圍亂逛..
在新馬路附近正在慶祝乜乜”嗱喳節” 見到兩個好可愛gei妹妹..
好多人圍住佢哋影相

經過聖母玫瑰堂 入去祈禱 感謝天主賜好天氣 同埋保守我倆平安..
同埋bb平安..紫色衫嗰個就係我啦..順便參觀埋入面gei展覽區..
老公影埋影埋好多相 不能盡錄..

我有個舅公住喺澳門gei 於是我哋去咗搵佢老公家飲茶..
佢同舅婆都好好人 好客氣 請我哋飲茶 又買手信俾我哋..
我哋因為太急 又無預備 無買到嘢俾佢哋 有d唔好意思..
飲完茶 又去咗佢哋屋企坐到四點幾先走...跟住就開始我哋gei
賭場之旅... 咁大個女 第一次真真正正入賭場玩..
好期待 之前從未玩過老虎機..
我哋第一站去咗金莎...由五點 玩到八點幾...一直都係玩老虎機..
後來玩咗部電腦化的輪盤機 玩吓玩..
覺得唔好玩lu 原因好簡單啫 輸晒d錢..有咩好玩..
大肚婆會旺d呢句証實係假gei....!

輸完錢 諗住食完飯就走啦..但係原本想去嗰陣好味道茶餐廳都收工啦..
十點 身心都疲累了..唔多想行 試探式問老公: 可唔可以住一晚 聽日先走呀..?
開頭老公都無乜正面回應..
後來 佢話:睇吓有無酒店房囉...有咪聽日先走啦..

嘩 太感動啦...最後 我哋喺莆京遠小小gei哋方
入住一間叫”澳門假日酒店” 4星級 550蚊 都算係咁啦..
唔駛趕頭趕命返香港就得啦..

攞咗房 稍作休息後 因為唔駛趕返香港..
所以出去食完宵夜 又再出動啦..
我哋去咗莆京 同新莆京 ..又係玩老虎機..雖然結果都係輸..
不過 心情都無乜特別 再加上愈夜愈精彩..
在回酒店途中 看到好多”佳麗”搵食..
莆京的佳麗級數明顯比遠少少的高........

老公話: 都唔明d男人點諗 個個掂過晒又乜好 唉..
我話: d女仔夠靚啦 駛乜做呢dwow...我話佢哋慘d 要陪d大陸佬.
總知 我哋兩個永遠都唔明架啦..

瞓醒覺 即係同老公影返張相先..
個樣鬼咁累..我哋之前嗰晚返到酒店 原來都點幾兩點啦..

老公多謝你呀 你知我唔開心 又肯帶我去澳門..
第二日你又要趕返工..
我呢兩日玩得好開心呀....雖然去唔算有咩大搞作...但係已經好滿足啦..
我應承你 生bb之前都唔話要去旅行 ..
乖乖待產架啦...hehe...

哎呀 呢張相影到老公手臂上的”公仔”..
唔好以為佢係壞人嚟呀...心哋好好架佢...^.^