最近 我又學返琴啦..
在我住的附近 一間琴行..

最初我唔係咁喜歡那裏...咁我咁大個女..
教我的miss仲好似細過我好多咁..
好魚嘛...
但係 開呢間琴行的老板娘就真係唔話得啦..
每次我學琴前後 佢都會主動打電話俾我 提我練琴..
話俾我知 幾時有琴房等..
本來 最初一個月的時候 我就因為miss細過我的原因 ..
唸住唔喺度學...但係 學多幾堂 ..又發過 佢細過我 其實都幾好..
我有唔識彈的部份 佢又會笑笑口教我...
同以前學琴d惡miss好唔同..
所以 我開始覺得自己在進步中..

其實學返琴的初期 我有點散慢...
老公成日話我唔去練琴 不如唔好學琴啦...(十足十老豆咁)
我當時話 我咁大個人 又要返工 又要煮飯...學琴都係興趣之嘛...
幾時練都得啦...乜乜乜....(乜嘢籍口都出晒)
但係呢 呢個時候 琴行老板娘就間唔中打俾我...
我覺得佢真係好好人...佢仲話我好乖 咁大個女都學琴..
一定會俾心機個d小朋友..之類..
又成日俾我練多幾個字唔收錢wow..

上個星期 我又懶啦..我因為眼睏唔去學琴..電話都唔打俾佢..
佢打來 我又唔接..
我老公見到我咁 當然唔鐘意啦..我又鬥氣 真係唔去學琴wo..
等二日 就同琴行老板娘講 因為唔舒服 所以無來..
佢仲好關心咁問我有無事..叫我休息d 話補多堂俾我...
今日我有去學琴啦...學完琴嗰陣..
老板娘笑笑口咁話 唔知點解呢 我覺得你好親切 又乖乖女咁...你老公真係有眼光啊..
你要俾心機練琴啊...如果你因為工作壓力大...
我地呢度有補習 你可以來幫我教d小朋友架..
我受寵若驚..說: 吓 我唔知得唔得架wo..
佢話: 得 佢地都係小學生來 唔難架...你可以考慮吓...

我真係覺得 好奇妙...我明明唔抵錫...
遍遍呢個琴行老板娘又咁照顧我...仲教埋我煮餸添...我真係有點內疚添..