昨天6月20日 是父親節 雙重意義的父親節
在教堂內 神父特別為父親祈禱 堂區歌詠團詠唱了"SHALL WE TALK"送俾在場的爸爸
氣氛很好 當請所有父親上前領取禮物時 芳芳妹妹同STEPHEN個女開玩笑的叫JACKY哥哥出去拿禮物.好搞笑

中午在JACKY家吃飯 由於父親節 總不能兩手空空上去食飯..
我買了個好大好大的西瓜 俾佢爸爸 好重架!!!
佢媽咪整餃子俾我地食....好好味呀...

吃完飯又急急腳去上聖經課了...好眼訓咁聽左一課.....可能飯氣攻心啦.
下課後又急急腳的離開 預備今晚的特備節目
今個父親節之所以雙重意義 是因為媽咪今年生日是父親節的那一天
搞到我同妹妹好頭痛 想買蛋糕唔知寫父親節好定HAPPY BIRTHDAY好...
仲因時間關係一度嘈買唔買蛋糕的重要性 一年先一次生日 無蛋糕好似欠缺些東西咁...
後來都係無買...結果 我請了爸媽叫了一餐勁好食的日本菜
而且仲好平 叫了十幾樣野都只是360..平到你唔信..
最搞笑當我地全部人都覺得飽了..我問媽咪:你仲有無咩想食呀?
媽咪笑笑口咁話:你地都飽囉...咁唔好GEI...UM..我要海鮮拉麵"
我地三個即刻嘩聲四起...估唔到媽咪仲食得...我地最後食埋碗拉麵,好滿足咁抱住個大肚DUP返家了....雖然無生日蛋糕 但我地都完成媽咪的生日願望~~海鮮拉麵.
我同妹妹仲送了個銀包俾爸爸 爸爸話:正正正!!!
佢返到屋企仲即係換個新銀包添..!!!