我好怕白鴿, 你問阿花就知我有幾驚佢哋!
我都唔知點解我會咁驚佢哋, "小強"我都唔怕喎, 叫我自己一個撞入重慶大廈我都唔怕, 但係就好怕白鴿...
其實我都好怕雞的... 所以我一定唔會買生雞!! 都唔會行經雞檔!!
我上次行九龍仔公園, 鬼知有好多白鴿攔路, 我四周圍又無人畀膽我, 於是我就打電話畀朋友, 希望佢畀膽我! 我又跑又叫, 好辛苦先跑咗個段路... 之後腳都軟埋... 所以我下次再行時, 我決定兜路!
我遲啲會去澳洲, 果到啲白鴿好似無歐洲咁出名, 不過都係問吓朋友放心啲... 朋友既答案係"heaps...", 個心立即沈咗吓... 同我一齊澳洲的朋友仔, 請照顧吓我...
我唯一唔怕白鴿既時間就係佢以張相咁既方式係飯枱出現! 雞都ok!