昨日，係我未來奶奶牛一！(好易記的農曆)
我地一家人去金都食自助餐！(因為買四送一)

一收工，我同阿興最先到達！(途中洗埋車)
阿興未坐低已經開始野食！(我等齊人先)
一碟又碟，每樣野都夾一件！(裝飾菜都有)
終於等到老公一家人黎齊哂！(䒷面已好滿)

一齊開餐囉！不停食，不停，不停望，不停搶！
搶番黎的食物特別好食！手快有手慢無的感覺好爽！
勝利品包括：蠔、蝦、蟹、聖子、扇貝、花甲、石班！

食到好飽了！飽到阿興之前的食物都無食過！
但食剩的話，一來唔會有人收碟，二來會俾人話！
結果，每次食完的殼和用完的紙巾都要遮甘D食物！
哈哈，爸爸仲將成碗燒味倒轉放在碟上(太明顯喇)！

之後，食埋甜品、生果，八點幾就走人囉！
因為飽到食唔落了！即使無限時，都唔食了！

總結未來奶奶生日禮物：
老公送的OTO按摩機 (話特價才$1680，但一直都係呢個價！)
我封俾奶奶的大利是 (其實都唔係好多，我日日都黐飲黐食！)
阿輿和爸爸請食自助餐 (可能係最後一次去金都食，似就倒閉！)

唔知奶奶今年生日開唔開心呢？
如果爸爸送埋禮物應該會更開心！

** 老公，結婚後，你唔會唔好似爸爸甘，唔送生日禮物俾我架？！