2009 / 1月 - 2月

好耐冇上黎打月記啦~下面o個個係墨魚刺身~我親手做的@@

呢段期間做左好多野同發生左好多野,公司繼我紋身之後就發左一股紋身潮,好多人都去紋身呀,改紋身呀,傾紋身呀,諗住紋身呀,而我個紋身就變成...................(睇圖)

呢張係紋完第二日影的,而家好返d顏色有d唔同,原本我既DIY唔係咁,後來個師傅畫左呢個圖再加上去比我睇,最後覺得佢既DIY仲靚,所以就用左佢o個個喇~@v@"靚唔靚就見人見智lu~!

公司因為我同傻強玩緊一隻online game既關係,而家公司變左有8個人一齊玩,好搞笑加開心,未試過咁多人一齊玩同一隻game呢,而家日日返到公司都傾^^"

年廿九收工同文迪,明昌,阿達加埋我4條友一齊去澳門賭錢,去左十幾次澳門,今次係第一次去賭場呢,原本諗住搵埋Piano,阿朗同埋阿蚊出黎的,可惜最後大家有大家忙 =...~!!

阿達同我就贏錢,文迪就差唔多冇輸冇贏,明昌就輸錢,玩到5點幾就去珠海按摩,間野超舊,我地一路行一路笑,間野真係舊到好似有鬼咁,d衫見到個個已經係咁笑,笑左好耐決定要搵個人幫我地影相做紀念!.!但係好好玩,我地係咁講笑...哈哈一.一
 

呢幾個月成日都去浦,多數都係同細恆一齊返水都,有時就香港,有一排玩到一個月去4次水都,真係攰到想死,有時會多左d人,明峰,阿倫,阿神,阿達,文迪,子揚,傻強......有時會多左佢地~之後到而家呢班人有幾個原本唔落d的,呢班人而家返到公司成日聽+播D歌....真係....笑死+無奈一.一|||

講住咁多先啦~~下面兩張係阿b萬聖節o係公司玩野影的....好搞笑 ._."

 
神樣,もう少しだけ......