2007 / 10月

10月26日係本人生日,多謝Kathy,阿兒,piano,阿蚊你地記得我生日,都多謝carrie記得(我提佢= =),最驚喜的就係屋企人冇一個記得我生日@o@

10月30日同carrie去九龍灣E-MAX商場既鬼屋玩,下午去到個商場冇咩人的,排隊玩鬼屋既人得幾個,賣飛o個個都係鬼,佢係咁問我carrie叫咩名,又問carrie我叫咩名,又係咁話睇下佢塊面(佢化瀾面妝),我同carrie就係咁笑,跟住排隊o個陣有幾隻鬼又係咁問我地咩名,笑死...我地o係排隊o個度係咁同d鬼影相,佢地好識搞gag...= =”
之後入到去玩啦,一路行一路笑,跟住我地行到去一個坐電椅既男人,佢係咁震同尖叫(有d電聲,閃燈,佢扮緊死刑)carrie見到佢係咁笑,笑到差d坐左o係地下,佢係咁話要睇多次,(跟住我望下個男人佢都o係度笑= =)後來要我拉佢先肯走,笑死...之後都係一路行一路笑,之後都冇咩野,去到第二間鬼屋有好多間房,其中一間入去之前會比枝雞到爆既電筒你,裡面乜都睇唔到,有好多木箱,呢個幾得意,玩哂之後又去返大堂睇o個幾隻鬼o係度嚇人,好好笑~~跟住開始好多人排隊,好多學生放學走過黎,我同carrie都話想玩多次,(買左飛可以一日裡面任玩)之後玩第二次發覺同第一次玩係超級唔同,第二次入去多左好多野,其中一個係要經過一架升降機,要自己拉開度鐵閘,入去之後有隻成面插住玻璃碎既鬼衝入黎,之後佢就好大力關閘,架升降機係咁搖,差d企唔穩,d燈係咁閃...o個隻鬼就係咁前後郁同向天尖叫,呢個係我笑得最開心既地方,(不過第一次玩係冇呢隻鬼衝入黎的,得隻手o係出面搖閘= =)可能我地第一次入去玩時間太早,d鬼未放學去返工一.一”

玩完之後就諗住去溜冰,今次想去d未去過既地方,聽人講將軍澳都有溜冰埸,我地係咁向人問路之下終於到達,點知原來o個度係一個........滾軸溜冰場,低b.....我地都唔知講咩好.....又係笑=)

跟住咪打去又一城問佢地收幾點,唔記得佢地話10點定10點半,去到之後佢地居然話......唔好意思,我地逢星期二都關8點.........我同carrie都係咁唉~~~~~唉左成個字,因為都唔知比咩反應好喇,搭左好多轉車....已經好攰....之後我地行行下就提議去食糖水,carrie就話官塘有一間食豆腐花好出名的,我地去到官塘行左一陣apm先,行完就去食豆腐花啦,間舖好細...不過一路食我一路留意左好多野,老細佢對d豆腐花豆漿睇得好嚴謹,周不時會睇下邊d新鮮邊d舊,又會自己試食,跟住又見到一個師奶帶個讀緊幼稚園既妹妹食豆腐花,個妹妹好得意,係咁整散哂先食,唔知點解見到呢個畫面會諗起自己細個,因為o個個環境好舊,好有幾十年前feel,哈哈~~好懷念的畫面>3<

食完就走喇~~~~呢日好好玩呢^^

”因咩差事跳跳跳” <====呢套戲好好睇架,d廣東話配音超好笑~~~不過好舊的了._,”

新增左”我的相簿” o係個網既右邊,入去睇睇啦@v@

黃曉明 - 什麼都可以
Oscar - 大男人
黃曉明 - 為你代替
黃曉明 - 暗戀
溫嵐 - 眼淚知道
溫嵐 - 祝我生日快樂
劉耕宏_周杰倫 - 情畫
周杰倫 - 都說好了，卻這樣
周杰倫_溫嵐 - 屋頂
周杰倫 - 菊花台鋼琴版
丁噹 - 代替
丁噹 - 明白
丁噹 - 離家出走
丁噹 - 不想讓你知道