２００３年１０月２８日　　　　星期二
等左咁多日，終於睇到．
身邊的朋友都說看過很多次，一日起碼兩鑊，睇到由唔識唱首歌到識唱再然後厭埋，小肥都未睇過．
今日，終於睇到【好心好報】的ｍｖ了．
唔明點解亞方生唱到“拿”埋晒口面咁，乜呢首歌唱得好辛苦咩？（請注意，佢全程都係“me”埋隻眼的．）好似辦公咁～
睇完，眼火爆ｉｎｇ，夠喇，嘴夠喇，見好就收，唔好咁過份喎．

今日本來是ｄａｙ　ｏｆｆ的，但係大聲姨婆話要考ｍｉｄ－ｔｅｒｍ，咁呢晨早流流又仆返學．
咁呢返到去見到小明，佢話好易，咁都無咁驚．
點知，亞詩，ｉｄａ考完話要重考，如豆般大的汗直滴．
結果，搞左成半粒鐘，其間大聲姨婆又煲下電話粥咁，小肥先考完．
咪又係要重考～
但小肥想講明一點，大聲姨婆係有問小肥想唔想重考，即係話小肥都唔係咁差姐，不過廢事個個考過拉到條ｃｕｒｖｅ鬼咁高，就從考了．（此乃死都唔認輸也，明明平時小肥的煲冬瓜係勁過利嘉兒的，人家只不過太緊張了～～～～死都唔認自己的國語爛唷～）
考完去搵親家奶奶，跟住陪佢上去考，咁小肥就聽返城城ｎ年前陳年老歌ｔｅｌｌ　ｍｅ　ｗｈｙ（近期親家唔知發咩神經，無啦啦聽返晒ｄ舊野）
考完，就去ｃｏｍｍｏｎ　ｒｏｏｍ懶勤力咁溫書，但係得閒無事又吹下水咁．
期間小明，歪使，亞晶同亞瓊都到左，算啦，吹水啦．
吹完唔覺唔覺ｈａｅｒ左兩個鐘，等埋花花同會長，就去左港台ｃａｎ食飯．
期間見到小學唔識問答大賽果個肥仔嘜主持陳敬創同埋一個貌似小儀的人．
係呢，係小儀喎應該，高度又似，把聲又似，但係親家話佢點會ｏ係港台ｃａｎ食野，因為佢係商台的．
咁ｏ係百佳做唔通唔去惠康買野咩？
小肥話係就係啦．

食完就去ｃｏｍｍｏｎ　ｒｏｏｍ溫書，咁呢ｔａｃａｌ又加入一齊吹水喎．
佢無啦啦又話小肥同頹蛇有條司徒拔道喎，唉～ｏ係呢個會一日比人講開同邊個有路，就講成世．
仲會抽絲剝繭妄想地分析從那些方面可看出有路的原因．
呢鑊真係無路都變有路喇．
睇唔出ｔａｃａｌ係ｄ咁既人，唉～原來時間係可以睇清一個人的真面目．
小肥仍然係咁純情，係咪？
「咦，要唔要香口膠呀？」（嘿嘿～～～～）

溫左幾個鐘，終於有ｄ眉目了～～
同亞ｌａｇｒａｎｇｉａｎ　ｆｒｉｅｎｄ左好多．
好開心耶～

尋晚一路煲冬瓜一路睇衝上霄，發現劇中的吳振宇實在太型了．
難以想像他就是當年卡拉屋企中的泰臣．
還有馬德鐘和陳健鋒，難道機師都係咁型的？
呢次真係要一路睇一路流鼻雪了～～～