出發前我打電話先,因為我有朋友在湖南,但佢電話無錢打不到,唉....想請佢一齊去張家界都唔得!打聽過長沙有咩地方之後決定去岳麓山,岳麓書院(其實係座山入面),馬王堆同愛晚亭4個地方就算,其他地方好似唔吸引!首先搭巴士去岳麓書院,落車之後都唔知點去,不過巴士上面個售票員又好好人教我點去,我諗係堔圳問人都唔會有人理你~原來間野係大學入面,行到入去心諗大學咁大邊度呀,果時又朝早好多大學生返學所以就搵D校花黎問下先,入到去之後發現原來當地學生入去係唔洗錢所以見到有D學生係入面溫書,講真係果到溫書又真係幾一流呀,講講個書院,話係有千幾年歷史,出過好多名人,當然我係唔會識果D名人啦,仲有好多咩鄧小平毛澤東都去參觀過咁囉,睇左一陣好快就無野睇行返出山,之後上山同圍睇下風景,無乜特別,行下行下就行到去愛晚亭,初頭以為好正,又話咩詩人係到作過咩詩咁,可惜我唔係詩人無呢D MOOD!就係咁一個上午就行左座山!之後就去馬王堆睇千年女古屍!
搭巴士問人點去馬王堆啦,上車去到馬王堆果得唔對路,好似乜都無得間醫院,問一問人我想睇既女屍係邊啦,唔會係o係醫師歛房下話,原來搬左去湖南博物館,又要搭車去,成粒鐘呀.........去到之後嘩,要成50蚊,你知大陸50蚊有幾貴啦,不過照比啦,入到去幾正喎,乜都可以比我睇一餐,不過唔比人影相,有好多著晒老西既保安睇住,幾型喎,第一次係大陸見到型既保安!入返正題,終於睇到條女屍,正呀!2千幾年都咁既樣,d科學家仲解剖左佢拎晒d內臟出黎,仲驗到佢有好多病,之後睇完出返去已經無地方好去,所以決定周圍行睇下~行行下我都唔知自己行左去邊,但我真係幾鐘意長沙呢個地方喎~到左夜晚有d餓就入左去麥記食野啦,因為真係搵唔到其他野o岩食,入到去有條女叫我寫表寫低叫咩喎,我問佢寫左就得唔洗自己拎呀,佢話唔係只係輪到我果時比份表個收銀就得,多鳩餘~食食下條女又叫我寫服務感想,之後同佢傾開計,佢問我係咩地方人,我話香港人啦,佢話好鐘意聽我講國語,因為佢地覺得香港人講國語好聽,睇黎呢條女有撚病!食完都差不多返去火車站搭夜車入張家界!
題外話,當中我見到長沙既大學同圖書館都好有feel,真係好讀書既地方,而且見到好多外國留學生係到踩”溜冰鞋”返學,咁似外國既~夜晚既時候又比我發現左一間disco,見到去玩既女仔都唔差,唔係無時間實入去釣蟹！！！！！！！！！