正在聽著一位在csp時認識的朋友kenny send給我的歌—周杰倫的“珊瑚海”
好多謝你呀, 雖然只係同你傾左一陣, 仲要係澳大的電腦室同msn傾! 但已經感到好開心, 好舒服, 跟你可以無所不談, 可能你不知道你的話給我的支持有多大, 但真的, 你讓我在bazarr前清空腦袋, 在活動時更加清醒和理智, 雖然今次bazarr未算完美, 但對我黎講已經係一大進步…我終於知道自己既能力去到邊, 問題係咩, 要永遠向前, 永不停步呀!

我今次負責$3遊戲攤位, 要管六個攤位和超過二千份的禮物, 活動前果晚我輾轉反側, 最後去到五點先訓得著, 但我七點又要起身啦! 最後只係訓左唔夠兩個鐘…我心知今次死梗, 咁耐以黎我未試過出活動前訓少過七個鐘, 因為每次出活動真係如同打扙一樣, 分分秒秒都在變, 特別係呢d咁大型對街外人既function, 個腦轉慢半拍, 可能就會籌少好多錢啦! 我係唔會比呢樣野發生係我身上, 我一定要盡全力賺到最多善款! 於是兩日的園遊會終於無風無險地搞掂左啦, 今次籌到既錢仲破哂前幾年紀錄tim~~而我呢, 經過一個多月的勞累…真係成身散哂…今次係真的, 第一次覺得自己體力下降了

Tabitha常常對我說, 你咁後生就搞成咁, 日日都係d咁既狀態…我知道的, 我以前從來未試過朝早唔知醒返學, 但今個學期就已經試過兩次了! 但我同自己講, 呢個唔係一個籍口, 點解人地可以晚晚訓四個鐘, 第二朝要返工都仲咁精神, 而自己咁後生就唔得呢? 正如某波鞋廣告話: Impossible is nothing.於是我下定決心唔可以再唔知醒同遲到!

下年園遊會向賣物進發! Go!go!go!