商品設計學系
本來我好鍾意呢個系,學ge科目都係我一直想學ge,圖學、透視學、設計概論、立體造形、藝術欣賞、素描等等...滿腔熱誠黎到呢度,依家先知呢個系原來咁"地獄",d工具買到窮,乜都要講感覺---圖學要非常細緻,透視要講全方位角度,立體造形要有想像力,素描我就最驚,因為個阿sir ge嚴到嘔泡,要求基本功,以前學過素描ge都話佢變態,對於我呢個自學ge人簡直係苛刻,仲要一個星期交100幅畫俾佢,又成日黑口黑面,真係好想有叮噹支神奇畫筆,俾我畫100支唔同ge槍出黎"啡"爆佢個頭,嘿嘿嘿......
學校ge點名制度真係好勁,內點又外點,前後兩次,完全無可能走堂,洗唔洗咁嚴呀,我完全唔知咩叫走堂,走堂究竟係咩感覺ga.........??
至於學校宿舍,真係好痛苦,貴人幾倍唔在講,網路成日都有問題,仲日日行15分鐘斜路先爬到上去學校,tired到飛起,可唔可以整架登山欖車出黎等我地舒服d呢......
o係呢度唯一安慰ge係系辦入面ge人好好,入面ge人都好歡迎我去騷擾佢地,秘書仲請我食月餅tim,教官亦都好好,成日幫我地走黎走去,雖然呢d係佢ge工作,但佢做得相當稱職,實在太好la......