由阿女出世到宜家，我們一家都經歷左好多轉變。迎接新生既喜悅、初生既照顧、一步步強壯成長、番托兒所、再到一家三口既新居。到現在，上幼稚園了。為父為母的就好似再上學一樣。校服書包準備好了。心情呢？應該未準備好！！每晚阿女沖涼後入房著片著褲吹乾頭髮講故事塗lotion按摩飲奶然後就訓覺。今晚吹頭髮既時候，阿女話唔著校服要著公主裙。要同爸爸媽媽番幼稚園。要爸爸媽媽接放學。之前仲會話番幼稚園唔開心，掛住爸爸媽媽。可能係跟住父母就放縱，番學有規矩。所以好想跟我地一齊。而自從阿女開始識表達意見，佢就成日要著裙，仲要係公主裙。散開有紗好靚去晚會果啲咁。番學要著校服仲要對鞋黑忟忟。應該會十分抗拒，聽朝都唔知點算。希望老婆氹到佢。好，訓覺。good luck