其實我知，我做得好絕。話唔搵就唔搵。只係一般出黎玩，我就唔想，因為我出到黎係想開心，但係實在嘉明唔響度，又或者佢唔想我響度，對我黎講，其實個心係好唔舒服，就算而家，都仲係。與其搞到大家無mood，不如索性就唔出黎，唔阻住大家好過喇。

我老早就知道我放唔低，但係拖左四年先狠下心腸，其實已經非常之遲，越是見到，越是聽到，越陷越深，我裝作若無其事，其實我的心不知有多痛，我甚至乜野都做唔到，完全無辦法集中精神。做野唔集中本是不可推卸責任，自己的修為才是最緊要，但我實在外表冷冷的，內裏卻是熱火一般，我實在係性情中人，要我不去想，實在是千難萬難。今天終於可以放低，其一我身處一個新的環境，見到好多其他的人，最重要的還是我知嘉明唔會再見我，我亦有許久沒再見她。

但係敏怡個畢業禮，我真的是要番工，我唔番既話，會好麻煩，所以無法子。否則無論點，佢叫到，又咁有意義，我一定會去，不過既然去唔到，多提亦徒然 。

我一直都無忘記大家，敏怡嬸嬸、善姨的日記，甚至毛小姐的ICQ INFO，我都時常去看到，不過敏怡嬸嬸的日記老早就停止生產了，也沒法子。所以她老人家跟郭伯伯拍拖我也是從善姨的日記中得知，呵呵，真的世事難料哦。